పాక్ విషయంలో ప్రధానమంత్రి నరేంద్ర మోదీ త్రివిధ దళాలకు Modi on Pakistan పూర్తి స్వేచ్ఛ (ఫ్రీ హ్యాండ్) ఇచ్చారు. ఆపరేషన్ సిందూర్ ప్రారంభమైన తర్వాత తొలిసారిగా DGMOలతో సమావేశమైన ప్రధాని, పాక్ వ్యూహాలకు వ్యతిరేకంగా కీలక ఆదేశాలు జారీ చేశారు.
ఆపరేషన్ సిందూర్ అనంతర మొదటి సమావేశం
ఆపరేషన్ సిందూర్ ఇంకా పూర్తిగా ముగియలేదని ప్రధానమంత్రి మోదీ స్పష్టం చేశారు. త్రివిధ దళాలతో సమావేశమైన సందర్భంగా పాక్ ఆక్రమిత కశ్మీర్ (పీఓకే) విషయంలో భారత వైఖరి ఏమాత్రం మారలేదని తెలిపారు. పీఓకే ను పాక్ అప్పగించాల్సిందేనని ప్రధాని స్పష్టం చేశారు.
ఈ సమావేశంలో ఆర్మీ DGMO రాజీవ్ ఘాయ్, ఎయిర్ ఫోర్స్ DGMO ఏకే భారతి, నేవీ DGMO ఏఎన్ ప్రమోద్ పాల్గొన్నారు. మోదీ పాక్ విషయంలో త్రివిధ దళాలకు పూర్తి స్వేచ్ఛ ఇవ్వడమే కాకుండా, “పాక్ ఒక్క తూటా వేస్తే, మీరు మిసైల్ తో బదులివ్వండి” అని స్పష్టంగా ఆదేశించారు.
మధ్యవర్తిత్వం వద్దు – మోదీ ఘాటుగా
తమ మధ్యవర్తిత్వం కారణంగానే భారత్-పాక్ కాల్పుల విరమణ ఒప్పందం కుదిరిందని అమెరికా అధ్యక్షుడు డొనాల్డ్ ట్రంప్ ప్రకటించిన వేళ, ప్రధాని మోదీ ఘాటుగా స్పందించారు. “భారత్ పాక్ మధ్య ఏ సమస్య వచ్చినా, తాము చూసుకుంటాం. ఏ దేశం మధ్యవర్తిత్వం చేసే అవసరం లేదు” అంటూ ఘాటుగా స్పందించారు.
పాకిస్థాన్ పై మోదీ వ్యాఖ్యలు
ఉగ్రవాదులను భారత్ అప్పగించాల్సిందేనని, ఈ విషయంలో పాక్ కు మార్గం లేదని ప్రధాని మోదీ కుండబద్ధలు కొట్టారు. పాక్ ఉగ్రవాదులను ప్రోత్సహిస్తే, దానికి తగిన విధంగా భారత త్రివిధ దళాలు బలమైన చర్యలు తీసుకుంటాయని ప్రధాని హెచ్చరించారు.
ప్రధాని దృఢ నిశ్చయం
ఆపరేషన్ సిందూర్ ప్రారంభమైన తర్వాత తొలిసారిగా త్రివిధ దళాలతో సమావేశమైన మోదీ, పాకిస్తాన్ పై కఠిన వైఖరిని ప్రదర్శించారు. “పాక్ ఏ చర్యకు పాల్పడినా, దానికి సముచిత బదులు ఇవ్వాలని” దళాలకు సూచించారు.
పాకిస్థాన్ ఆక్రమిత కశ్మీర్ (పీఓకే) పై భారత ప్రభుత్వం తేటతెల్లమైన వైఖరిని ప్రదర్శిస్తోంది. పాకిస్థాన్ ఆలోచనలు, వ్యూహాలను తిప్పికొట్టేందుకు త్రివిధ దళాలకు పూర్తి స్వేచ్ఛ ఇవ్వడం ప్రధానమంత్రికి ఉన్న ఆత్మవిశ్వాసాన్ని ప్రతిబింబిస్తోంది.
ఇలాంటి పరిణామాలు పాక్ పై భారత్ కఠిన వైఖరిని వెల్లడిస్తున్నాయి. ముఖ్యంగా Modi on Pakistan పాక్ ఆక్రమిత కశ్మీర్ విషయంలో భారత దృక్పథం మరింత స్పష్టమవుతోంది.
