కాళేశ్వరం ప్రాజెక్టుపై దర్యాప్తు వేగం పెంచిన ఘోష్ కమిషన్. కేసీఆర్‌ను విచారించిన తర్వాతే Kaleshwaram Project తుది నివేదిక ఇవ్వనున్న కమిషన్, జూలై 31 వరకు గడువు పొడిగింపు.
విచారణ తర్వాతే తుది నివేదిక
జూలై 31 వరకు గడువు పొడిగింపు, త్వరలో సమన్లు జారీ
కాళేశ్వరం కేసులో మాజీ సీఎం కేసీఆర్‌ను విచారించనున్న ఘోష్ కమిషన్
సహజ న్యాయసూత్రాల ప్రకారం నిర్ణయం
జూలై 31 వరకు విచారణ గడువు పొడిగింపు
సమన్లు అందిన వారం రోజుల్లో హాజరు కావాల్సిన అవకాశం
గత అనుభవాల నేపథ్యంలో కమిషన్ ఆచితూచి చర్యలు
కాళేశ్వరం ప్రాజెక్టులో కీలక మలుపు
తెలంగాణ ఆభివృద్ధికి ప్రతీకగా నిర్మించిన కాళేశ్వరం ఎత్తిపోతల ప్రాజెక్టు ప్రస్తుతం విచారణ దశలో ఉన్న విషయం తెలిసిందే. అయితే తాజాగా ఈ దర్యాప్తులో మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్) పాత్రపై కమిషన్ దృష్టి సారించింది. వారి వివరణ తీసుకున్న తర్వాతే తుది నివేదికను ప్రభుత్వం సమర్పించనున్నట్లు జస్టిస్ పినాకి చంద్రఘోష్ కమిషన్ స్పష్టం చేసినట్టు సమాచారం.
సహజ న్యాయసూత్రాల ప్రాతిపదికన విచారణ
ఒక వ్యక్తిపై అభియోగాలు వచ్చినప్పుడు, ఆ ఆరోపణలపై సమాధానం చెప్పుకునే అవకాశం ఇవ్వడం సహజ న్యాయసూత్రం. ఈ నేపథ్యంలో కేసీఆర్‌ను విచారణకు ఆహ్వానించే నిర్ణయం తీసుకుంది కమిషన్. దీంతో పాటు, జూలై 31 వరకు విచారణ గడువును పొడిగిస్తూ ప్రభుత్వం ఉత్తర్వులు జారీ చేసింది.
త్వరలో సమన్లు.. వారం రోజుల్లో హాజరు?
విశ్వసనీయ వర్గాల ప్రకారం, కమిషన్ కేసీఆర్‌కు సమన్లు జారీ చేసే అవకాశముంది. ఆ సమన్లలో వారం రోజుల్లో విచారణకు హాజరుకావాలని సూచించే అవకాశముంది.
గత అనుభవాల ప్రభావం
ఇదే తరహాలో గతంలో విద్యుత్ కొనుగోళ్లపై విచారణ చేసిన జస్టిస్ నర్సింహారెడ్డి కమిషన్ కేసీఆర్‌ను విచారణకు పిలవడమే కాదు, వ్యాఖ్యలు చేసి వివాదంలో చిక్కుకున్నారు. ఈ వ్యవహారంపై సుప్రీంకోర్టు స్పందించి ఆయన్ను కమిషన్ బాధ్యతల నుంచి తప్పించింది. ఆ తర్వాత బాధ్యతలు చేపట్టిన జస్టిస్ మదన్ లోకూర్ విచారణను పకడ్బందీగా పూర్తి చేశారు. ఈ అనుభవాల దృష్ట్యా, జస్టిస్ ఘోష్ కమిషన్ మరింత జాగ్రత్తగా వ్యవహరిస్తూ, కేసీఆర్ Kaleshwaram Project అభిప్రాయాలు పూర్తిగా పరిగణనలోకి తీసుకోవాలని భావిస్తోంది.
