అమరావతి మహిళలను కించపరిచిన వ్యాఖ్యలపై Journalist Controversy తీవ్ర విమర్శలు వెల్లువెత్తిన వేళ జర్నలిస్ట్ కొమ్మినేని శ్రీనివాస్‌ను పోలీసులు అరెస్ట్ చేశారు. తుళ్లూరు పోలీస్‌స్టేషన్‌లో కేసు నమోదు అయిన వెంటనే, ప్రత్యేక పోలీస్ బృందాలు హైదరాబాద్ చేరుకుని, ఆయనను ఇంట్లోనే అదుపులోకి తీసుకున్నాయి. అనంతరం విజయవాడకు తరలించి, మంగళగిరి కోర్టుకు హాజరు పరచనున్నట్టు తెలుస్తోంది.
వివాదాస్పద వ్యాఖ్యల నేపథ్యంలో చర్యలు
నాలుగు రోజుల క్రితం సాక్షి టీవీ ఛానెల్‌లో జరిగిన డిబేట్‌లో జర్నలిస్ట్ కృష్ణం రాజు చేసిన వ్యాఖ్యలు తీవ్ర స్థాయిలో దుమారం రేపాయి. “అమరావతి దేవతల రాజధాని కాదు, వేశ్యల రాజధాని” అన్నట్లు ఆయన వ్యాఖ్యానించడం మహిళల ఆగ్రహానికి కారణమైంది. ఈ వ్యాఖ్యలను ఖండిస్తూ రాజకీయ పార్టీలు, మహిళా సంఘాలు, సామాజిక సంఘాలు పెద్ద ఎత్తున నిరసనలు తెలిపారు.
కొమ్మినేని శ్రీనివాస్ డిబేట్‌లో కృష్ణం రాజు వ్యాఖ్యలకు అనుకూలంగా మాట్లాడినట్లు బాధితులు ఫిర్యాదులో పేర్కొన్నారు. దీన్ని ఆధారంగా తీసుకుని పోలీసులు విచారణ చేపట్టి ఎస్సీ, ఎస్టీ అట్రాసిటీస్ చట్టం, ఐటీ చట్టం కింద నాన్‌బెయిలబుల్ సెక్షన్లతో కేసు నమోదు చేశారు.
ప్రజా ఆందోళనలు, పోలీస్ చర్యలు
వివాదాస్పద వ్యాఖ్యలపై తుళ్లూరులోని మహిళలు పెద్ద Journalist Controversy సంఖ్యలో ర్యాలీలు నిర్వహించడంతోపాటు ఫిర్యాదులు సమర్పించారు. ఫిర్యాదు ఆధారంగా పోలీసులు విచారణ చేపట్టి డిబేట్ వీడియోలు, వ్యాఖ్యలు పరిశీలించారు. అధికార స్థాయిలో కేసు తీవ్రతను పరిగణనలోకి తీసుకుని అరెస్ట్‌కు ప్రభుత్వం ఆదేశాలు జారీ చేసింది.
