ఆంధ్రప్రదేశ్‌లో డ్వాక్రా మహిళలను వ్యాపారవేత్తలుగా తీర్చిదిద్దేందుకు ప్రభుత్వం భారీ సబ్సిడీ DWCRAWomen రుణాలను ప్రకటించింది. పాడిపశువుల యూనిట్ల నుంచి చిన్నతరహా పరిశ్రమల వరకు ఆర్థిక భరోసా కల్పించనుంది.
ఆంధ్రప్రదేశ్ రాష్ట్రంలో అధికారంలోకి వచ్చిన కూటమి ప్రభుత్వం మహిళల సంక్షేమం కోసం పలు పథకాలను అమలు చేస్తోంది. స్త్రీ శక్తి స్కీం ద్వారా మహిళలకు ఉచిత బస్సు ప్రయాణం కల్పించిన ప్రభుత్వం, ఇప్పుడు డ్వాక్రా మహిళల ఆర్థిక అభివృద్ధికి దృష్టి సారించింది.
రాష్ట్ర ప్రభుత్వం తాజాగా డ్వాక్రా మహిళలకు వ్యాపారాలు ప్రారంభించేందుకు సబ్సిడీ రుణాలు అందించే నిర్ణయం తీసుకుంది. కేంద్ర ప్రభుత్వ సహకారంతో, మహిళలను ఆర్థికంగా బలోపేతం చేయడమే లక్ష్యంగా ఈ పథకం అమలులోకి రానుంది.
గ్రామీణ ప్రాంతాల్లోని డ్వాక్రా మహిళలకు జీవనోపాధి కల్పించేందుకు “వెలుగు” మరియు “పశుసంవర్ధక శాఖ”లు కలిసి లబ్ధిదారులను గుర్తించే ప్రక్రియను ప్రారంభించాయి. గ్రామ స్థాయిలో సమావేశాలు నిర్వహించి, ఆసక్తి ఉన్న మహిళలను ఎంపిక చేయనున్నారు.
ఎంపికైన వారికి PMEGP, PMFME, స్త్రీనిధి వంటి పథకాల ద్వారా బ్యాంకు లింకేజీ రుణాలు మంజూరు చేయనున్నారు.
పాడిపశువుల యూనిట్లకు రుణాలు
మొదటివిడతగా పాడిపశువులు (ఆవులు, గేదెలు), గొర్రెలు, మేకలు, కోళ్ల పెంపకం వంటి యూనిట్లకు రుణాలు అందించనున్నారు.
- రూ.1 లక్ష విలువైన యూనిట్‌కు రూ.35,000 సబ్సిడీ.
- రూ.2 లక్షల యూనిట్‌కు రూ.75,000 వరకు సబ్సిడీ.
- మిగతా మొత్తం బ్యాంకులు రుణంగా సమకూర్చనున్నాయి.
చిన్నతరహా పరిశ్రమలకు రుణాలు
- డ్వాక్రా మహిళల కోసం ప్రభుత్వం చిన్నతరహా పరిశ్రమలకు కూడా ప్రోత్సాహం అందించనుంది.
- బేకరీలు, పేపర్ ప్లేట్ల తయారీ యూనిట్లు వంటి వ్యాపారాలకు రూ.2 నుండి రూ.5 లక్షల వరకు సబ్సిడీ రుణాలు.
- వ్యవసాయ పరికరాలు (వరికోత యంత్రాలు, రోటావేటర్లు) వంటి యూనిట్లపై రూ.1.35 లక్షల వరకు సబ్సిడీ.
ప్రభుత్వం నిర్ణయించిన ఈ కొత్త కార్యక్రమాలతో గ్రామీణ మహిళలు స్వయం ఉపాధి దిశగా అడుగులు వేయవచ్చు. త్వరలోనే స్త్రీనిధి, ఎన్టీఆర్ విద్యాలక్ష్మి వంటి కొత్త పథకాలను కూడా ప్రారంభించేందుకు ప్రభుత్వం DWCRAWomen సన్నాహాలు చేస్తోంది.
