పంజాబ్‌లోని ప్రముఖ ఆలయమైన స్వర్ణ దేవాలయంలో Golden Temple ఖలిస్థానీ నినాదాలు వినిపించడంతో తీవ్ర ఉద్రిక్తత నెలకొంది. 1984లో జరిగిన ఆపరేషన్ బ్లూ స్టార్ నేపథ్యంలో జర్నైల్ సింగ్ భింద్రన్వాలే వర్ధంతిని పురస్కరించుకుని కొందరు అనుచరులు ఆలయాన్ని సందర్శించారు.
ఈ కార్యక్రమంలో సిమ్రన్ జీత్ సింగ్ నేతృత్వంలోని కొందరు, “ఖలిస్థాన్ జిందాబాద్” అంటూ నినాదాలు చేయడం గమనార్హం. ఈ సంఘటన ఆలయ పరిసరాల్లో అలజడి సృష్టించగా, భద్రతా సిబ్బంది పరిస్థితిని నియంత్రించేందుకు చర్యలు తీసుకున్నారు.
పోలీసు భద్రత పెంపు – మేళా భద్రత కట్టుదిట్టం
ఈ ఘటన నేపథ్యంలో అమృత్సర్‌లో భద్రతా వలయం కట్టుదిట్టం చేయడం జరిగింది. ఆలయ ప్రవేశ ద్వారాల వద్ద పోలీసులు గట్టి పర్యవేక్షణ చేపట్టారు. ఉద్రిక్తత మరింత ముదరకముందే పరిస్థితిని అదుపులోకి తీసుకురావడంలో పోలీసులు విజయం సాధించారు.
ఆపరేషన్ బ్లూ స్టార్ నేపథ్యం
1984 జూన్‌లో భారత సైన్యం, అమృత్సర్ స్వర్ణ దేవాలయంలోకి ప్రవేశించి ఆపరేషన్ బ్లూ స్టార్ నిర్వహించిన విషయం తెలిసిందే. ఈ ఆపరేషన్‌లో భింద్రన్వాలే సహా అనేకమంది మరణించారు. అప్పటి నుంచి ప్రతి సంవత్సరం ఆయన Golden Temple వర్ధంతిని గుర్తు చేస్తూ ఖలిస్థానీ వాదులు కొన్ని కార్యక్రమాలు నిర్వహిస్తూ వస్తున్నారు.
