ప్రతి సంవత్సరం తెలుగు పంచాంగ ప్రకారం నూతన సంవత్సరానికి ప్రత్యేకమైన పేరు ఉంటుంది. ఈ సంవత్సరం “శ్రీ విశ్వావసు” (Sri Vishwavasu Nama Samvatsara) నామ సంవత్సరం. మనకు మరిన్ని శుభాలు, సంతోషాలు కలిగించాలి. హిందూ సంప్రదాయంలో పండుగలకు విశేషమైన ప్రాముఖ్యత ఉంది. ఈ సంవత్సరానికి సంబంధించిన ముఖ్యమైన పండుగలు, వాటి విశేషాలు క్రింద అందిస్తున్నాం చ‌ద‌వండి.
2025 సంవత్సరపు ముఖ్యమైన పండుగలు:
- ఏప్రిల్ 6 – శ్రీరామనవమి: ఈ రోజు భ‌గ‌వంతుడు శ్రీరాముని జన్మదినంగా పూజలు నిర్వహిస్తారు. రామాయణ పారాయణం, ప్రత్యేక పూజలు, ఆలయాల సందర్శన ప్రత్యేక ఆకర్షణలు.
- జులై 6 – తొలి ఏకాదశి: ఆషాఢ మాసంలో వచ్చే తొలి ఏకాదశిని అత్యంత పవిత్రంగా భావిస్తారు. వ్రతాలు, ఉపవాసం ద్వారా భక్తులు విశేష పుణ్యఫలాలను పొందుతారు.
- జులై 10 – గురుపూర్ణిమ: ఆచార్య దేవో భవ అనే భావనతో గురువుల పట్ల కృతజ్ఞతతో శిష్యులు గురుపూజలు నిర్వహించే రోజు.
- జులై 25 – శ్రావణ మాసం ప్రారంభం: ఈ మాసం విశేష పూజలు, వ్రతాలకు ప్రసిద్ధి. వరలక్ష్మీ వ్రతం, మంగళ గౌరి పూజలు ముఖ్యమైనవి.
- ఆగస్టు 8 – వరలక్ష్మీ వ్రతం: వివాహిత మహిళలు కుటుంబ ఆనందం, శ్రేయస్సు కోసం ఈ వ్రతాన్ని ఆచరిస్తారు.
- ఆగస్టు 9 – రాఖీ పూర్ణిమ: సోదర ప్రేమకు గుర్తుగా రాఖీ పండుగను జరుపుకుంటారు.
- ఆగస్టు 16 – శ్రీకృష్ణాష్టమి: భగవాన్ శ్రీకృష్ణుడి జన్మదినంగా ఈ రోజు ఉత్సవాలు ఘనంగా నిర్వహిస్తారు.
- ఆగస్టు 27 – వినాయక చవితి: విఘ్నేశ్వరుడి పూజలు, ప్రతిమల ప్రతిష్ట, నవరాత్రి ఉత్సవాలు విశేషం.
- అక్టోబర్ 2 – విజయదశమి: దసరా ఉత్సవాల్లో ముఖ్యమైన రోజు. ఈరోజు శక్తి దేవతల పూజలు నిర్వహిస్తారు.
- అక్టోబర్ 20 – దీపావళి: దీపాల పండుగ, లక్ష్మీ దేవికి ప్రత్యేక పూజలు చేసే రోజు.
- అక్టోబర్ 22 – కార్తిక మాస ప్రారంభం: శివ పూజలకు అత్యంత ప్రాముఖ్యత గల మాసం.
- జనవరి 14-16 – భోగి, సంక్రాంతి, కనుమ: రైతులకు ఎంతో ముఖ్యమైన పండుగ. పంట కోతను ఆనందంగా జరుపుకునే సమయం.
- జనవరి 23 – వసంత పంచమి: సరస్వతీ దేవికి అంకితమైన రోజు.
- జనవరి 30 – మేడారం జాతర: గిరిజన దేవతలకు అంకితమైన గొప్ప ఉత్సవం.
- ఫిబ్రవరి 15 – మహాశివరాత్రి: భగవాన్ శివునికి అంకితమైన పవిత్ర రాత్రి.
- మార్చి 2 – హోలీ: రంగుల పండుగ, ఆనందోత్సాహాల ఉత్సవం.
చిన్న‌మాట :
ఈ సంవత్సరం మనకు శుభం కలిగించాలనీ, అందరికీ ఆరోగ్యం, ఐశ్వర్యం ప్రాప్తించాలనీ మనసారా కోరుకుంటూ, పండుగలను భక్తి శ్రద్ధలతో జరుపుకుందాం. మీకు మరియు మీ కుటుంబానికి శ్రీ విశ్వావసు నామ Sri (Vishwavasu Nama Samvatsara) సంవత్సర శుభాకాంక్షలు!
ఈ వార్తపై మీ అభిప్రాయాల‌ను కామెంట్ చేయండి. మరిన్ని వార్త‌ల కోసం గ‌రుడ‌నేత్రంలో చూడండి
